عالم عادي:التطور في الميزان

عالم عادي:التطور في الميزان في حكاية كدة دايمن بيئولوها بتوع التنمية البشرية عن واحد عادي اتولد عادي واتربى عادي في اسرة عادية ودخل مدرسة عادية ومش ها طوول عليكم كل حاجة عادي لغاية متجوز برضو عادي وأعد يربي عياله عادي ويدلعهم عادي وكبر بي السن عادي وبقى عجوز عادي لغاية ممات عادي واهله زعلو عليه عادي...طبعن بتوع التنمية البشرية بيقولو ان ده مثال سيئ بس انا بصراحة متعاطف معاه ده انا حتى حلمي اني اكون راجل عادي ...ايه المشكلة لا ده بالعكس دي حاجة حلوة يعني هوة صحيح ساعات..مش ساعات ده على طوول .. بنتضطر منبقاش عادي بس دي حاجة وحشة بس ضرورية كان في حلقة في باتمان الاشرار خطفو باتمان وواحدة محامية بتكرهو شايفة انو بنخرب المدينة وان لولاه مكنش في اشرار وحروب وكدة..بس وعينو واحد منهم قاضي لو المحامية اسبتت ان هم السبب في الي وصلولو وان باتمان مش وحش ولا السبب ولا حاجة هايسبوهم والا يقتلوهم..طبعن في الكرتون المحامية اقتنعت بان بات مان خير وبتاع واثبتت كدة بس في الاخر الاشرار قررو يقتلوهم كدة كدة بس متخفوش بات مان اقعد يعمل شوية حركات وضرب الاشرار وكسر المكان وانقذ المزة أصدي المحامية...المهم بغض النظر عن مين السبب في وجود التاني مش فارقة الي اقصد اقوله ان لما كان في ابطال خارقين اضطرو انهم يكسرو المدينة عشان يحاربو الاشرار الخارقين وفي الاخر المدينة بتتكسر والناس العاديين بتتبهدل طبعن انا مبقولش اننا نبقى ناس عاديين لان سنة العالم التطور وكدة كدة هايبقى في اشرار اقوية هما صحيح لو احنا فضلنا عاديين هما (او اظن كدة يعني)مش هيبقو خارقين أوي يعني وتدميرهم مش هايبقى كبير بس بالنسبة للناس العاديين هتبقى حاجة كبيرة وبعدين مبدء الشر اساسن مرفوض ملوش دعوة بالكمية احنا هنضطر منبقاش عاديين مش بس عشان الاشرار وبتاع هوة العالم بتاعنة كدة وبعدين الناس العاديين بيتبهدلو بس الخارقين هما الي بيدمرو .. انا بس بتخيل عالم تاني عادي عالم مافيهوش تطور ولا ناس خارقين مفيهوش قطز عشان مافيهوش مغول مفيهوش ... عشان مافيهوش هتلر هوة مين الي وقف اودام هتلر كات واحد سفاح زيه وده موضوع تاني ان ساعات او في نظري دايمن لما نقف ضد ناس اشرار بنضطر نبقى اشرار ولو بالفعل بس مش بالغرض او النية ده سبب تاني يخلينا نبقى في عالم عادي او مثلن نسيب نبعد عن الشر زي ما نجيب محفوظ قال في روايته (الشيطان يعظ)واتعملت فيلم بنفس الاسم بطولة الراجل بتاع الحج متولي ده مش عارف اسمو المهم نرجع لمرجوعنا اه نسيب الشر يعني منغيروش؟؟؟!!!بصراحة مش عارف بس في واحد مش فاكر اسمو دلوئتي برضو ممكن ابقى اكتبو في كومنت بعدين المهم قال مش المهم انك ماتغيرش العالم ...المهم ان العالم ميغيركش بس كدة لا مش بس..في حاجة كمان بصراحة:يمكن لما نكلم على عظماء السياسة و الحرب يبقى في نظري عال اقل العالم العادي احسن بس مثلن لو اتخيلنا عالم مفيهوش ابن رشد ولا ابن خلدون ولا نجيب محفوظ ولا كانت ولانيتشة ولا سلامة موسىولا مجمد حسيت(ان شاء الله يعني)ولا..الخ الخ...مش حاجة حلوة يعني ماهو عالم مفيهوش شر ولا في صراع مش هيبقى في ادب ولا فلسفة ده حتى العسيلي كان بيقول ان الصراع ده هو الي بيمشي الحياة يمكن كل واحد بيحب حاجة بيحاول يبقى فيها اكتر من عادي عشان كدة..ربنا خالقو كدة..هو ده السبب في ان عالمنا مش عادي انا بس بتخيل عالم غير كدة ... عالم عادي..عالم قوانينو وطبيعة الناس وغير الناس في مختفة عشان نفهم العالم بتاعنة ...جايز عشان نغير الوحش فيه...ممكن عشان الخيال...أكيد اه صحيح ... هو ممكن نغير العالم بتاعنة ويبقى عالم عادي؟ وهو فعلن العالم العادي احسن...ولا العالم العادي ده هيخليك تتخلى عن الحاجات الي انت بتحبها عشان السلام والاستقرار وهنتحول في الاخر لمدينة شبه المدن الي في الروايات اللاطوباوية زي مدينة الاحساس فيها جريمة والناس بس عايشة عشان تحافظ على استمرارية "المجتمع العظيم"الي همة عايشين فيه طبعن الي شاف فيلم equilibrium عارف انا بتكلم عن ايه بس كدة وبجد المرادي